Hundómerkilegur Alvarleiki

Hulda B Hakonardottir: Um leið og ég óska Magnúsi til hamingju undrar það mig að fréttamenn Kastljóss hafi ekki getað bent manninum á úrræði sem honum stóðu til boða í fyrri þætti sínum þ. 22. sept. s.l. Annað hvort var Kastljós meira upptekið af að geta verið með tárvott dramaupphlaup í þætti sínum eða fréttamenn þess vissu ekki betur. Hvorugt er gott til afspurnar. Í gleði-innslagi kvöldsins var svo skautað létt fram hjá þessu með greiðsluaðlögunina en Magnús þaulspurður hvort hann væri nú ekki glaður. Þvílík vinnubrögð

 

Sammála og miklu alvarlegra mál en rætt er almennt um. Ég er löt! td. og að fylgjast með fjölmiðlum er ekki e-d sem ég nenni yfirleitt. Aldrei, svo ég muni, hef ég legið eins mikið yfir innihaldslausu þvaðri á ævinni, í næstum manískum eltingarleik mínum við fjölmiðlaumfjallanir í bæði sjón, rit og talmiðlum. Að vísu, að undanskyldum þeim frábæra þætti á rás 1 ,,speglinum”.

 

Tekur tappann úr þegar hver og einn einasti ég meina barasta nákvæmlega hver einasti! fréttamaður í óverðskuldað nefndum fréttaskýringar og menningarþætti ríkissjónvarpsins ,,Kastljósi" framleiðir á færibandi, upp á dag,  hundleiðinlegt og hundómerkilegt sjónvarpsefni, hvar menn sýna af sér fullkomið getuleysi í að grípa áhugaverð móment og búa þá til áhugavert frétta og sjónvarpsefni í leiðinni.

Viðhafa með látum síendurtekið stagl og gersamlega hugmyndasnauðar spurningar, lesnar upp af blöðum og svo augljóslega niðurnjörvaðar fyrirfram að úr verða tóm leiðindi

 

Viðhafa eilíft gjamm og framítökur, þannig að viðmælandi á í mesta basli, við að svara þeim spurningum sem hann er þó spurður og í þokkabót, ég leyfi mér að bæta við, er atgervi þeirra með þvílíkum leikrænum tjáningum að það mætti halda, í sumum tilvikum að þeir/þær, eigi eitthvað persónulega sökótt við viðmælendur sína, eða séu staddir/ar í grískum harmleik en ekki bara Íslenskum raunveruleik.

 

Hamagangurinn er slíkur að úr verður akkúrat ekkert vit. Maður spyr sig, eru þetta taugarnar að gefa sig? Eða eru uppi skipulögð áform um að hafa þetta svona?  Eða eru menn bara svona.........utan við sig.......nei fjandinn hafi það.

 

Ég sendi svo í lokin kveðju með von um bata, til þess fréttafólks sem vinnur við þáttinn ,,Kastljós”  því þetta hlýtur að vera einhver krankleiki, eða sinnisástand að viðhafa svona kjánalæti, að telja það fínt að framleiða svona drasl ofan í fólkið.

 

Ps: Hvort heldur sem er,  þá er kannski full ástæða til að biðja fallega um að þessu endemi linni, ég bara get bara ekki trúað því að landsmenn nenni þessu.

 

 

Ringulreið og öskureið.

Mér er það fullkomlega óskiljanlegt að Bjarni Ben skuli sitja í kastljósi og stæra sig af  óánægju fólks í landinu og fjargviðra þar um komandi mótmæli. Hvenær hefur hann, eða hans félagar staðið í mótmælaaðgerðum varðandi yfirleitt nokkurn skapaðann hlut. Sigurvissa mannsins var vægast sagt óþolandi í kastljósinu í gær og velti ég fyrir mér hvaðan í andskotanum það yfirlæti kemur og samkvæmt þessari grein hérna, hefur Björn Bjarnason gengið til liðs við mótmælendur. http://www.smugan.is/fra-ritstjorn/allt/thora-kristin-asgeirsdottir/nr/4342

Je minn eini. Vá hvað þetta er ruglingslegt. Ég er ein af þeim sem er ekki ánægð með seinagang stjórnvalda í málefnum skuldara, las samt greinina hans Ármanns Jakobsonar og er honum sammála um eitt og annað.

http://www.smugan.is/pistlar/fastir-pennar/nr/4332

Það sem mér hefur fundist óhuggulegt við málflutning sjálfsæðismanna er flest allt, en óhuggulegast finnst mér þó stagl þeirra um hjól atvinnulífsins. Þegar Bjarni Ben, formaður sjálfstæðisflokksins byrjaði enn og aftur að stagla, að hér þyrfti að koma atvinnuvélamaskínunni í gang, þá bara langaði mig að gubba. Ég er kannski ekki rammskyggn en mér finnst bara svo augljóst hvað hann er að fara, hann er í grundvallar atriðum bara að tala um að drífa áfram virkjanaframkvæmdir.(Helguvík) Ýta því af stað með sama offorsi, sömu heimsku og sama þrugli og flestir þeir sem mótmæltu árið 2009 voru einmitt að reyna að losa sig við. Vonandi tekur enginn mark á þessum manni og því sem hann stendur fyrir. Við hinn almáttga ás, vonandi.

 Ég er að vísu þeirrar skoðunar að margt mætti fara betur. Ég er líka alveg sannfærð um að ríkistjórnin myndi alls ekki tapa á því að ná sér í faglega ráðgjöf og aðstoð, sem hún gerir ekki.

Mér finnst líka alveg fullkomlega óþolandi hvað forsætisráðherra virðist fjarræn og dul, þegar við hana er talað.

Ég á líka mjög erfitt með að þola útúrsnúninga fjármálaráðherra, það er eins og hann sé alltaf í kosningabaráttu en ekki að spjalla.

Það leggst hálf fáránlega í mig, að þegar talað er um utanþingstjórn, að þá er óljóst hverjir það eiga að vera, hverjir eiga að velja í slíka stjórn/nefnd og hverjir bera á henni ábyrgð.

Nú, mér finnst líka alveg magnað að fólk skuli vera svona veikt fyrir tali um skattalækkanir. Við, sem hér búum hljótum að vita það, að velferðarkerfi td. Byggist á sköttum okkar.

 Afhverju Steingrímur hefur ekki gengið lengra í þeim málum og komið á hátekjuskatti, eins og hann rausaði um sem biluð plata fyrir kosningar, er mér illskiljanlegt, í raun ætti að krefja hann skýringa á því frekar en það skuespil sem viðgengst í sjónvarpsmiðli landsmanna.

Nei í alvöru! Mætir kannski Geir Haarde á þessi mótmæli á fimmtudaginn.

Ég geri nefninlega alveg ráð fyrir því að fleiri en ég séu í svipuðu delemma. Ég vil ekki að forpokaðir atvinnuvélamaskínulygarar steli byltingu vinstri manna og myndi helst vilja að svo færi ekki.

En til þess, að svo fari ekki, er ég ansi hrædd um að þetta blessaða pólitískt stimplaða vinstri fólk bara verði að hætta! Já hreinlega hætta! að seilast í vasana á þeim sem minnst mega sín! Takk fyrir. Það er nefninlega það, sem ruglar mig í ríminu akkúrat núna!

Með Fræðslu að vopni.

Alkahól hættulegasta Vímuefnið! Þetta hef ég lengi vitað. Ég hef alið upp þrjár dætur og eru þær allar nær lögráða. Í uppeldi þessu hef ég farið í gegnum unglingsárin með þeim, og verið meðvituð um að það eina sem dugir sem forvörn, er fræðsla! Börn fikta, það vitum við öll sem höfum staðið í uppeldi. Hræðsluáróður dugir skammt og hef ég aldrei gerst sek um að nota slíkt. Nema jú þegar kemur að umferðinni. Þar hef ég miskunnarlaust stuðst við hræðsluáróður, enda dauðhrædd við umferðina og það með réttu. Margsinnis hef ég hneykslast á því hvernig skólarnir hafa tekið á þessum málum, þar eru uppgjafa dópistar í pontu að eipa sínum persónulegu hörmungum yfir æskuna. Ekki inniheldur það mikið af fræðslu hef ég komist að. Þvert í mót, þá hefur þetta andstæð áhrif á ungar sálir í uppreisnarhug og þá, sem standa höllum fæti. Áróður sem gengið hefur ljósum logum í skólastofnunum og úr munni hinum allsráðandi Þórarni Tyrfingssyni og fjölmiðlar éta upp gagrýnislaust. Þar eru ofskynjunarefni lögð að jöfnu við fíkniefni og öllu ruglað saman, þess eðlis er málflutningurinn og “fræðslan” ásamt þessari margtuggðu og ábyrgðarlausu yfirlýsingu! “byrjir þú að fikta við marihuana, þá endar þú sem sprautufíkill” Þetta eru skelfilegar aðdróttanir og alveg úr lausu lofti gripnar, samt ganga þær eins og niðurgangur úr fjölmiðlum og innblása í eyru hugmyndum, í fyrir óttaslegna foreldra, svo úr verður alger móðursýki og henni fylgir ekkert annað en áframhaldandi fáfræði og skemmdarstarfsemi. Í þennan hræðsluáróður eru svo settir peningar, opinbert fé. Síðan fær þetta grábölvaða fúsk nafnið forvarnir. Á meðan erum við svo að dæla rítalíni í börn, sko dæla, við erum heimsmeistarar í því meira að segja, þó að það sé vitað mál, að um unglingsaldur þá fer rítalínið að virka eins og gott spýtt og verður vanabindandi. Enda hefur hann Þórarinn eitthvað verið að væla yfir því að það sé allt að fyllast af ungum rítalín sprautufíklum. Flestir klóra sér bara í hausnum yfir því í fullkomnum vanskilning og áfram heldur vitleysan, hvernig getur þetta gerst!? hugsa foreldrar, kennarar og væntanlega fleiri, ömmur og afar og bara allir sem bera hagsmuni ungs fólks fyrir brjósti. En svona er fáfræðin. Á Íslandi hefur verið algert! Og ég meina algert no no að tala um þessi mál af einhverju viti og þegar menn eru beðnir um að koma með tölur þá standa þeir bara á gati. Talan um dauðsföll af völdum marihuana er td. 0. Menn eru að reyna að kokka upp einhverjar óljósar tölur en þær standast aldrei nánari skoðun. Dauðsföll af völdum brennivíns, guð minn góður, þú villt ekki vita það. Svo ekki sé nú talað um viðbjóðinn sem fylgir alkohólisma, eitrunina sem af honum hlýst, út í samfélagið og inni á heimilum, þjáningu ungra barna sem þurfa að alast upp við þau bölvuðu veikindi sem alkohólismi er. Ofbeldið sem hlýst af vitstola drykkjufólki og svo lengi má telja. Það verða fáir, nú eða bara enginn ofbeldisbrjálaður af völdum kannabisneyslu, það má vera að einstaka persónur verði ruglaðar, en þá er það bara þannig að þeir hinir sömu ættu ekki að neyta efnisins, ekki frekar en heill helvítis haugur af fólki ætti ekki að bragða áfengi. Nú er ég ekki að mæla fyrir vímuefnaneyslu ungs fólks, nema síður sé. Ég hef alltaf sagt við alla, þá sérstaklega mínar dætur, að ungir og óharnaðir einstaklingar hafa ekkert með vímuefni að gera.  Mér er það til efs, að það sé algengt að foreldrar, kennarar, félagsmálayfirvöld og fólk í þeim stöðum, kynni sér sögu þeirra efna sem eru í tísku hjá unga fólkinu í það og það sinnið. Kannabis, eða marihuana, er náttúrulegt efni, planta sem vex í náttúrunni og hvatti George Washington, fyrrum forseti Bandaríkjanna til ræktunar á henni, í fyrstu stjórnarskrá Bandaríkjanna og það helst sem víðast, vegna gagnsemi hennar á mörgum sviðum. Við getum sagt okkur það sjálf að ef kókaín, nú eða heróín, væri selt á raunvirði í apótekinu í ljótum meðalaglösum, þá væri ekki mikil ásókn í það sull hjá unga fólkinu. Enda vantaði alla spennu og allan töffaraljóma í slíkt brall. Nú og svo að ógleymdum undirheimunum, dópsölum, handrukkurum, ofbeldi, svörtu fjármagni og öðrum leiðum fylgifiskum undirheimastarfsemi dópheimsins. Það myndi bara einfaldlega detta botninn úr þessu öllu saman. En þetta má ekki ræða því fólk verður svo hrætt. Eðlilega kannski, miðað við óeðlilega þöggun og hysteríu. Ég get sagt frá því, að ég hef auðvitað, eins og aðrir foreldrar oft orðið dauðhrædd um dætur mínar, þó ég hafi kannski ekki verið að láta það í ljós við þær. En haldið óhrædd mínu striki, að allt sé til umræðu þegar kemur að þessu, bara eins og með allt annað. Svo hvet ég fólk til að ná sér í fræðsluefni um td. Söguna á bak við stríðið um um marihuana plöntuna. Það brjálæði bjuggu Bandaríkjamenn til og þó að tilgangurinn sé ekki augljós þá er ekkert mál að leggja saman tvo og tvo í því sambandi, ef maður er komin á slóðina. Fræðsluefni liggur út um allt á netinu en þetta er ein af mínum uppáhalds heimildarmyndum. Þar er sagan rakin á mjög skemmtilegan hátt og fræðandi í senn. Ég skora á ykkur foreldrar! Ekki vera hrædd, það gerir börnunum okkar bara verri kost.

http://topdocumentaryfilms.com/grass/

 

 

Hvursu Alvarleg er ykkar Amesía!

http://www.dv.is/frettir/2010/10/30/risamotmaeli-vid-althingi-tunnurnar-kalla-eftir-utanthingsstjorn/

Ég er ekki beint týpan sem skríð ofan í holu, þegar kemur að því að gagnrýna, eða, með öðrum orðum, brjóta heilann og reyna/rembast!  við að skilja hvað er í gangi í samfélagi okkar í dag! Já rembast. Ég skrýð ekki ofan í holu, en samt reynist mér þraut að hanga í því endalaust, því ég er sveimhugi og á erfitt með svona jarðneskann raunveruleika og hef fáránlega tilhneygingu til að snúa öllu á hvolf í huga mér. En nú tekur úr tunnunni! Jóhanna lélegasti stjórnmálamaður stjórnmálasögunnar! Eða “leiðtogi”! Eins og hér er nefnt og bara svo þið vitið það, þá finnst mér þetta orð “leiðtogi" einfaldlega bjánalegt, ég fæ bjánahroll. Ég vonast meira að segja til þess að með tilkomu stjórnlagaþings, þá muni almenningur kæfa þessa arfa idjódísku orðanotkun hægt og bítandi með tilkomu breytinga á framkvæmdavaldi(ráðherravaldi) og þingi og bla bla bla kannski er einfeldni mín of blatant...... en ég segi þetta í einlægni. Ok svo ég snúi mér að kjarna míns máls, að þá hrýs mér hugur við þessa fyrirsögn og fáránleikann sem fylgir henni á bloggsíðum og á fasbók. Stofnað er til tunnumótmæla til þess að koma lélegasta "stjórnmálaleiðtoga" frá. HALLÓ!!!!!!! hvursu alvarleg er ykkar amnesía!!! Davíð Oddson!!! Halldór Ásgrímsson!!! Valgerður Sverrisdóttir!!! og svo greyið hann Geir!!!! Er ykkur alvara. Ég hef það sterklega á tilfinningunni að hér sé um ruglhóp/hópa, kannski öfgahóp/hópa (nema að ég myndi þá ekki alveg vita hvaða öfgar það væru) að ræða, sem ætlar að hrífa með sér öskureitt og örvinglað fólkið, sem ekki er kannski alveg með fókus. Ekki það, að ég sé eitthvað hrifin af því sem hefur verið að gerast/eða ekki gerast! og líti á sinnuleysi stjórnvalda, gagnvart skuldavanda heimilanna og þeim félagslega vanda sem af því hlýst, öðruvísi en sem alvarlegt vandamál. Aldeilis ekki heldur, vegna þess að ég taki því létt að tugir milljóna og milljarða séu afskrifaðir af fyrirtækjum/einstaklingum, þvert í mót. Fram kemur í einu bloggi að Jóhanna sé svo leiðinleg. Kannski er hún ekkert skemmtileg, uhh..., ég veit ekki, ég þekki hana ekki, skil ekki hvað það kemur málinu við. Mér finnst hún aðallega bara fjarræn og ég skil hana ekki alltaf, en það tengist, held ég frekar leiðinlegu pólitíkusatrendi í samskiptum, sem hefur verið heimslægur fjandi um langt skeið, en hefur reyndar verið að breytast, hér á landi, þar sem alveg nýtt trend hefur verið að ryðja sér til rúms í orðræðunni og finnst mér að við ættum öll að gefa því séns og tíma.  Utanþingstjórn! segir í pistlum og skrifum, að krafan sé. Ég spyr? Þurfa samt ekki allar ákvarðanir að fara í gegnum þing? Fer AGS bara ef sett verður á utanþingstjórn? Ég myndi óska eftir skýrari línum í því hvað er verið að byðja um. Langar fólk í kosningar?! Langar fólki að handbendi LÍÚ og SA og fl. Drauga, sem verið er af veikum mætti að reka hér í rogastans, komi hér nautsterkir eins og úlfar í sauðagæru og taki hér stjórnina á okkar annars illa farna landi á ný?! Illa farna og lúna og lasna landi, einmitt af völdum áðurtaldra. Langar fólk í Sjálfstæðisflokkinn aftur. Mmmm.....nammmm.....ummmm! Ég bara trúi því ekki, eða ég bara skil það ekki. Fólkið sem setti hér allt á annann endan með óðafrjálshyggju. Fólkið sem ég hef haft grunað um, að viti ekki alveg, hvað það er að gera, vegna þess að það er illa lesið og almennt illa að sér í sögu kapitalisma og bara stjórnmálasögu almennt. Fíflalætin koma reyndar mjög vel fram í frábærri heimildar/bíómynd “Draumalandið” þar situr maður eftir með það óbragð í munni að það séu í raun algjörir hálfvitar sem voru hér við stjórn. Starfi sínu alls ekki vaxnir og illa að sér á alla lund. Þó er það auðvitað morgunljóst  einhverjir vissu, fram að hruni, alveg nákvæmlega hvað þeir voru að gera, voru bara útsmognir og spiluðu sig heimska, en ég hallast nú alltaf að því að þetta hafi verið alveg hreint fáránlegir bjánar og sannfæri mig þá bara einhver, um eitthvað annað, ég er opin fyrir öllu, slíkur er minn vanskilningur. En sorrí..........,,Er Jóhanna lélegasti ”leiðtogi” stjórnmálasögunnar? Svarið við því er NEI! Það er hreinlega ekki hægt að toppa “the infabulous four” sem talin voru upp hér áðan. Í stuttu máli:Rosalega skil ég ekki hverjum tunnan glymur í þetta sinn og rosalega finnst mér þessi fyrirsögn fíflaleg.

http://www.pressan.is/Kaffistofan/Lesakaffistofu/er-johanna-lelegasti-leidtogi-stjornmalasogunnar

Hin sanna gullgerðarlist! Að búa til peninga úr engu.

"Intrum á Íslandi" er magnað fyrirtæki, ég spyr bara eins og fávís, hverjir á Íslandi eru ekki í viðskiptum við þetta magnaða fyrirtæki? Hvenær fer "Orkuveita Reykjavíkur" í bein viðskipti við þetta brjálæðislega markaðs umvefjandi fyrirtæki "Intrum Justitia". Er hægt að finna símafyrirtæki, leikskóla, grunnskóla, mötuneyti, leigusala eða videoleigu sem ekki stundar viðskipti við Intrum? Bókasafnið er meiraðsegja komið í viðskipti. Intrum á Íslandi virkar þannig, fyrir þá sem ekki vita, að það fær ógreidda skuld á sitt borð á eindaga, sem er svona 7-10 dögum eftir gjalddaga og þá hækkar skuldin um einhverja þúsundkalla, og síðan við hverja bréfasendingu frá þeim að þá hækkar skuldin aftur um ca 5000kall. kannski eitthvað misjafnt en nokkuð nærri lagi. Þegar fyrirtæki er á annað borð komið í viðskipti við "millifyrirtækið góða" að þá á það ekki afturkvæmt þaðan, þ.e.a.s. þó að einhverjum bjána detti í hug að labba sér inn í stofnun eða fyrirtæki sem hann/hún á í viðskiptum við, að þá standa vextir og dráttavextir eftir hjá Intrum, jafnvel þó viðkomandi hafi greitt fyrirtækinu sjálfu einhverja vexti og reynist það þrautinni þyngri að ná þeim þaðan út. Ég held að sjálfum Kafka hafi ekki dreymt um þvílíka og aðra eins hliðarveröld eins og þessi skipulagði glundroði er í rauninni. Dæmi: persóna skilar videospólu degi of seint, er ekki með 500 kall í vasa og skellir disk á borðið, vinkar og gengur út, hugsar með sér, ég er eins og grár köttur hérna þannig að ég geri þetta upp næst þegar ég kem. Nú menn gætu fyrrst við og hugsað, hvurslags háttsemi er þetta, best að síma í þennann viðskiptavin og veita honum ámynningu. Nei, þess þarf ekki, málið fer bara rafrænt til "Intrum" og gleymska viðskiptavinsins mun kosta hann 5000.kr. en ekki 500.kr. Sem ég myndi ætla að væri greiðsluletjandi frekar en hvetjandi. Dæmi um ungling sem gleymir að skila bókum á réttum tíma, hann fær ekki tölvupóst frá bókasafninu, það er ekki hringt í krakkann, heldur fer málið rafrænt til "Intrum" og hefur þar af leiðandi hækkað samkvæmt því. Er einhver að skilja þetta? Annað dæmi: símreikningur, sem venjulega er borgaður rafrænt, dettur á einhvern hátt út úr hinu rafræna kerfi og reikningar upp á 1.500.kr og 3.000.kr lenda á milli þilja, eða í rafrænu svartholi um stund. Viðkomandi fær síðan bréf frá "Intrum" og hljóðar þá skuldin upp á, annars vegar 10.000.kr og hins vegar 18.000.kr. viðsiptamaður símar í símafyrirtækið og spyr hvað sé eiginlega málið, hvort hann geti ekki fengið að greiða bara reikninginn, svarið er jú jú þú getur gert það bara í heimabankanum, viðskiptamaður gerir það en fær fljótlega aftur bréf frá "Intrum" og er þá skuldin að nálgast 40.000.kr. og síma og neti lokað. Viðskiptamaður símar þá aftur í símafyrirtækið, heldur ergilegri en áður og spyr hvurn fjandann þetta eigi að þýða, hvort ekki sé hægt að opna símann þar sem hann sé klárlega búinn að greiða þennann reikning. Svarið sem hann fær er, "því miður, við getum ekki opnað fyrr en þú ert búinn að borga "Intrum". Enn eitt dæmi: Listamaður leigir vinnustofu hjá einhverju fyrirtæki sem kallar sig "Vatn og Land" eða "Rauðvík" Listamannsblókin lítur svo á að hann sé að greiða of háa leigu miðað við samninga og fær áheyrn hjá einhverjum talsmanni fyrirtækjanna,,,sem er "Vatn og Land" eða "Rauðvík" nú eða kannski einhver Belgískur banki þess vegna. og er sagt að vera bara rólegum, greiða bara leiguna eins og upphaflega var talað um og slaka á yfir hinu, þetta verði tekið fyrir, enda ekki meiningin að vera að senda leiguskuld hjá listamönnum í Milli-innheimtu-fyrirtækið "Intrum". Eftir einhvern tíma að þá hefur 80.000.kr. skuld breyst í 290.000.kr. skuld og aldrei hægt að ná í neinn til að ræða málið við. Listamannsdruslan labbar sér niður í glæsibyggingu "Intrum" á laugavegi 99. Þar situr kona við tölvu, hún flettir upp hans málum. Listamaðurinn spyr: er einhver hér sem ég get rætt við? Nei, svarar konan, maður fær bara enga áheyrn (hún er ss. fórnarlamb líka) en þú getur sent honum Ásgeiri lögmanni tölvupóst, hann Ásgeir hann sér um öll mál Reykvíkinga. En get ég sent fyrirtækinu sem er að rukka mig tölvupóst? spyr maðurinn. Nei, svarar konan brosandi, við megum ekki gefa upplýsingar um okkar viðskiptavini (computer says no) Þú verður bara að senda honum Ásgeiri lögfræðingi sem sér um öll Reykvísk mál, en sem er alls ekki hægt að hitta, tölvupóst. Ég er bara svo fornemmet á þessu bulli! að mitt í öllum subbuskapnum skuli þetta vera í gangi og menn neyðast bara til að borga eins og hundar. Hver á "Intrum á Íslandi" eða hver rekur "Intrum á Íslandi" Er þetta löglegt? Tek hér fram að listamaðurinn spurði hvort hann gæti ekki fengið að greiða inn á höfuðstól, svo að leigusalar hans fengju nú eitthvað inn á leiguna, en að féð færi ekki bara til "Intrum" hann fékk þau svör að það væri því miður ekki hægt. Hver er í vinnu hjá hverjum spyr ég???

Ísland! Unga draumaeyja stóriðju vatnsþorsta og fégræðgi.

Myndin "Draumalandið"  var sýnd í sjónvarpi ríkisins í gær og vakti hún með mér fleiri tilfinningar en fyrst þegar hún var sýnd í kvikmyndahúsi. Ástæðan er líklega sú að þegar ég sá hana fyrst fjallaði hún í mínum huga um afgerandi villigötur ákveðins hóps stjórnmálamanna og loðinn svikavef sem troðið var/er á bæjarbúa í hinum ýmsu bæjar og sveitafélögum. Troðið á fólk sem nauðsyn, til að halda við byggð og blómlegu lífi í bæjum og sveitum. Svikin fara svo aftur fram með leyndinni sem hvílir yfir lygavef þeirra stórfyrirtækja sem græða á eyðileggingu lands, hugmynda og fegurð. Núna, hins vegar voru viðbætur á hugsunum mínum og tilfinningum og það er eiginlega bara stutt og laggott og hér kemur það: að viðbættu því fyrrnefnda helgreip huga minn ástandið eins og það er í dag. Það vita náttúrulega allir hér á landi hverjir voru við völd þegar hörmungar dagsins í dag dundu yfir, en það er auðvitað ljóst að það var ekki eitthvað sem gerðist á einum degi, það stjórnaðist af hugsunarhætti sem var búinn að grassera hér um tíð og er búinn að grassera um vesturheim í langann langann tíma. Nú erum við í aðstæðum þar sem ýmsir vilja túlka niðurstöðu þjóðaratkvæðagreiðslu síðastliðins laugardags, sem vantraust á vinstri stjórn Íslands og bregðast forystumenn stjórnarinnar við, með því að áminna andstæðinga sína vel og rækilega hverjir sigldu hér sofandi að feygðarósi, landi og þjóð til kafs. Eðlilegt skyldi það teljast með meiru, ekkert endilega svo sandkassalegt, því þessi stjórnmálaöfl bera mikla ábyrgð á því hversu langt í skítinn þetta fór allt saman. Draumalandið, myndin sínir líka með hálf ömurlegum hætti með hvers konar offorsi var vaðið hér í stóriðju framkvæmdir. Nefninlega með þvílíku offorsi að það jaðrar við blinda heimsku, þó það sé ekki endilega víst, gæti það líka hafa verið hroðaleg skammsýni, fáfræði, nú eða, og græðgi nú nema allt af þessu fernu sé. Það sem truflar mig núna er ekki áminning forystu ríkisstjórnar til fyrrverandi ríkisstjórnar um þessi mál, heldur áminning sem mér finnst vanta uppá til núverandi ríkisstjórnar og hún er svona. Jóhanna! afhverju eru samskipti okkar við AGS ekki endurskoðuð?! Steingrímur! afhverju eru skuldir siðlausra peningafíkla og nánast glæpamanna afskrifaðar og afhverju eru þeim rétt fyrirtæki sín á silfurfati aftur og afhverju er verið að pukrast með einhver c-hlutabréf sem eru eiginlega lygabréf???!!! Árni Páll Árnason Þó!!!! afhverju er búið að lækka bætur ellilífeyrisþega um 28.000kr. á mán. frá því í júní 2009 og afhverju ert þú ekki búin að stöðva þá siðlausu aðgerð sem guð hlýtur að gráta yfir, að ellilífeyrisþegar séu bornir út úr húsum og íbúðum vegna skulda, teknir af þeim bílar og annað skelfilega skítlegt!!!???

Mín hugmynd er sú að við látum dynja spurningum á þetta fólk í netpósti því þetta er alveg stórfurðulegt!